Blòg Gàidhlig Chinn-feachd

Nach i tha brèagha an-diugh!

2007-12-24T13:29:00.000-05:00

Is e latha mìorbhaileach a tha ann an-diugh. An-dràsta, tha mi air mo shaor-laithean bho sgoil. Tha e nas blàithe na an t-seachdain a chaidh. Bha mòran sneachda againn an-seo ann am Maine, ach tha e a leaghadh a-nis, oir tha e mu 4°C a-muigh. O uill, bidh Nollaig gheal againn a-màireach co-dhiù. Bha barrachd air 60 cm sneachda air a' ghrunnd!

An aithne dhuibh am prògram "Can Seo?" Tha Gràisg air sgrìobhadh beagan fhaclan mu a dheidhinn air Fòram na Gàidhlig. B'ann an-dè a bha a' chiad ùine a chunnaic mi e. Tha beagan eadar-sgeulan air Youtube. Tha mi den bheachd gur e deagh dhòigh a tha ann airson tòiseachadh ionnsachadh na Gàidhlig.

Tha mi toilichte nach feum mi a cheannach rud eile airson na Nollaige, oir tha an sluagh cho mì-mhodhail anns na bùthan aig àm na bliadhna seo! Càite a bheil spiorad na Nollaige?

Co-dhiù, tha mi an dòchas gum bi Nollaig chridheil dhuibh uile. Tha mi an dòchas gum bi cuimhne agaibh air fìor spiorad na Nollaige. Chan e na tiodhlacan a tha ann, ged a tha iad snog. Is e spiorad gaoil agus spiorad gràis ri daoine eile.

Beannachdan Nollaige dhuibh uile!

Dihaoine Dorch!

2006-11-27T19:39:00.000-05:00

Abair là inntinneach! Bha mi ann am Portland (am baile as motha ann am Maine) air Dihaoine Dorch.

Oir cha robh rud nas fheàrr agam ri dèanamh, smaoinich mi gun rachainn dha na bùthan a chum 's gun seallainn air an t-sluagh. Nach iad a bha mì-mhodhail! Carson? Tha mi a' creidsinn gum b'urrainn dhaibh a dh'fhaighinn an nì ùr a dh'iarr iad airson dolair no dhà nas lugha. 'S dòcha gu bheil iad a' creidsinn gu bheil an dolair nas cudromaiche na gach duine eile!

An e seo Spiorad na Nollaige?

Tha mi toilichte nach robh agam ri ceannachd rud sam bith, co-dhiù.

Oh. Thuirt mi gun cuir mi dealbh mo chàir air a' bhlòg. Seo mo chàr ùr (dhomhsa).

Beannachd leibh!

Feasgar math

2006-11-08T12:47:00.000-05:00

Chan eil mi air sgrìobhadh o chionn fhada! Tha mi air bith glè thrang le m'obair-dhachaighe.

Tha mi a' smaoineachadh gum bi agam ri tighinn dhan cholaiste airson ceithir làithean an àite dà, mar a bheil mi a' dèanamh an-dràsta. Tha mi toilichte gun do cheannaich mi càr beag!

Cheannaich mi Saturn SL. 'S e càr snog, beag a tha ann; agus thèid e dà fhichead mìle air galan [Stàitean Aonaichte]. Nas fheàr na an seann bhan agam. Cuiridh mi dealbh dheth nuair a thèid mi dhachaigh. Tha mi aig sgoil an-dràsta.

Tha mi a' dèanamh fiughar ri Là na Taingealachd. A thig am feadhan sheachdainnean. Chan eil sinn cinnteach an ith sinn aig an taigh, no an tèid sinn gu taigh-bidh a dh'ithe. Tha fear snog nach eil fad asam ann am Portland. Tha mi a' creidsinn gum biodh am fear sin snog.

An uairsin, bidh Nollaig a' tighinn. Mo chreach! Càit' an deach a' bhliadhna?

Uill, feumaidh mi falbh.
Tìoraidh an-dràsta!

Càr ùr a-rithist

2006-10-01T20:58:00.000-04:00

Uill, tha mi gu bhith cinnteach gu bheil mi a' dol a cheannach càir ùir. Fhuair mi lorg air Saturn beag le ceithir dorsan. Bu chòir dha a dhol faisg air dà fhichead mìle air galan. Nach canadh sibhse gu bheil sin nas fheàrr na seann bhan?

Cuiridh mi dealbhan dheth an-seo ma gheibh mi e. 'S e càr beag snog a tha ann, agus is toigh leam e gu dearbh.

Tìoraidh an-dràsta!

Càr ùr.

2006-09-21T20:13:00.000-04:00

Uill, tha mi a' smaoineachadh gum bu chòir dhomh a dh'fhaighinn càir ùir. Tha mo chàr-sa a losgadh ola agus a' dèanamh ceotha guirm. Tha seann bhan agam an-dràsta. Tha mi air falbh mòran mhìltean leis a' bhan sin (206,000 mìle).

B'fheàrr leam a dh'fhaighinn truga big le 4x4 (airson a' gheamhraidh) agus le einnsean beag airson 's nach cleachd e cus peatrail. Ach chan eil mi cinnteach fhathast, 's dòcha gun ceannaich mi bhan eile. Bha deagh fhortan agam leis bhanaichean aig Chrysler. Tha iad gu lèir air an dol nas mò na 200,000 mìle.

Chì mi dè thig.

Dè ur beachdan? An ceannaicheadh sibhse càr ùr?

Nach mi a tha gòrach!

2006-09-18T21:15:00.000-04:00

Chan eil mi cinnteach mu m' dheidhinn! B'ann an-diugh a bha an treas àm a rinn mi rudeigin glè ghòrach aig a' cholaiste. An dòcha gur e Diluain as coireach? Ghlas mi m'iuchraichean 'sa chàr agam an-diugh. Air an Diluain a chaidh, cha do chuimhnich mi a chur a-mach solasan mo chàir. Roimh sin, ghlas mi m'iuchraichean 'sa chàr a-rithist! Chan àbhaist dhomh a bhith cho gòrach! 'S dòcha gum feum mi ri cadal nas trìce, no 's dòcha gum feum mi fuireach aig an taigh air Diluain!

Co-dhiù, tha sgoil a' dol gu snog. Nuar nach dèan mi rudan gòracha mar a thuirt mi nas àirde, 's toigh leam dol dhan sgoil. O, uill, b'urrainn dha a bhith na bu mhiosa an-diugh. Tha mi dìreach toilichte nach robh mi fadalach airson mo chlàis.

Cuideachd, tha mi fichead bliadhna a dh'aois an-diugh! 'S ann an-diugh a tha mo cho-là-breith! Ach chan eil mi a' faireachdainn nas aosda. Am bu chòir dhomh?

Beannachd leibh!

Taghaidhean!

2006-09-15T20:37:00.000-04:00

Uill, 's e an t-àm sin a-rithist. Tha na taghaidhean a' tighinn an-seo 'san t-Samhainn. A bheil fhios agaibh dè tha sin a' ciallachadh? SANASAN! Chì mi sanasan poilitigeacha aig uair sam bith air an telebhisean. Tha mi seachd searbh sgith dhiubh.

Co-dhiù, airson comhraidh nas fheàrr: Ghabh mi trì deuchainnean an seachdainn a chaidh, agus fhuair mi trì "A"than. Tha mi glè thoilichte. Tha e fìor nas fhasa a' dol dà là an àite dol ceithir làithean! Tha ceithir clàsaichean agam air Diluain is Diciadain. Tha na làithean eile agam airson m'obair-taighe a dhèanamh. Nach bochd nach eil clàs Gàidhlig aca aig an sgoil, bu toigh leam sin gu dearbh. Ach tha mòran tìde agam airson leughadh leabhraichean na Gàidhlig agam.

Tha mi ag obair bho àm gu h-àm cuideachd. Bidh mi a' càireachadh choimpiùtairean anns na h-uaireannan saora agam. Chan eil mi a' dol a bhith beairteach, ach bidh e a' cur peatrail 'sa chàr.

Dìreach trì làithean gus am bi mi 20 bliadhna a dh'aois! Air an ochdamh là deug dhen Shultainn.

Feumaidh mi falbh an-dràsta.

Beannachd leibh!

Dà Latha!

2006-08-16T20:26:00.000-04:00

Chan fheum mi a dh'obair ach airson dà latha! Is Dihaoine an latha deireannach agam. An-sin, bidh saor-làithean agam airson aon sheachdainn. An dèidh sin, thèid mi air ais dhan cholaiste. Tha mi a' dèanamh fiughar ri dol air ais gu sgoil. Tha mi seachd searbh sgìth de dh'obair an fhactaraidh. Thèid mi ann tràth 'sa mhadainn, agus bidh mi cho sgìth ri seann chù nuair a thig mi dhachaigh. Bidh an obair sin a' cur air chuimhne dhomh carson a tha mi a' dol gu colaiste, agus gun an airgead a rinn mi aig an fhactaraidh, cha b'urrainn dhomh dhol a cholaiste idir. Tha mi a' smaoineachadh nach bu chòir dhomh a ghearran.

'S ann air an 28mh latha den Lùnasdal a tha mi a' tòiseachadh sgoile. Feumaidh mi a dh'fhàgail mo thaigh aig leith-uair an dèidh sia 'sa mhadainn sin. Oir tòisichidh mo chlasaichean aig ochd uairean. 'S e dràibh fada a tha ann. Tha mi a' smaoineachadh gu bheil an colaiste mu dhà fhichead mìle air falbh. (Sin trì fichead cilemeatair 's a ceithir dhibh a chleachdas an seòl-tomhais meadrail)

Uill, feumaidh mi falbh an-dràsta.
Oidhche mhath!

Cha do sgrìobh mi o chionn fhada!

2006-07-23T21:19:00.000-04:00

Tha mi duilich nach eil mi air sgrìobhadh o chionn cho fada. Tha mi air bith trang lem obair agus mar sin air adhart. Tha mi air tòiseachadh a dh'ionnsachadh Spàinntis. Nam bheachd, tha mi a' smaoineachadh gu bheil Gàidhlig nas fhasa na Spàinntis. Tha na gnìomhairean glè dhuilich ann an Spàinntis, agus fìor nas fhasa ann an Gàidhlig.

Mar eisimpleir:
'S e ser facal na Spàinntis airson "a bhith." Ach ann an Spàinntis, 's ann mar seo a tha e:

Spàinntis	Gàidhlig
Yo soy	tha mi
Tú eres	tha thu
él, ella, usted es	tha e, i, sibh
nosotros somos	tha sinn
vosotros sois	tha sibh
ellos, ellas, ustedes son	tha iad, sibh

Tha iad fìor nas fhasa ann an Gàidhlig gu dearbh. Tha tuilleadh ann gum feum mi a chuimhneachadh. Ach feumaidh mi Spàinntis a dh'ionnsachadh oir tha mòran sluaigh a' tighinn an-seo aig a bheil Spàinntis ach nach eil Beurla.

Tha mi a' dèanamh fiughar ri dol air ais dhan cholaiste air an 28mh là den Lùnasdal. Chan eil mòran tìde gus an tig an là. Bidh mi toilichte gu dearbh, 's fheàrr leam a bhith aig a' cholaiste na ag obair san fhactaraidh. Tha caraidean a' fuireach leam gam thaigh an t-seachdainn seo. Thàinig iad bho Phennsylvania. Tha mi a' smaoineachadh gum fuirich iad gu Didòmhnaich.

'S dòcha gun tèid mi gu Maine a tuath air Dihaoine. Tha mi a' dol a dh'fhaighnich airson leth saor-là bho m'obair. Tha mi an dòchas gun tèid, co-dhiù. Ach chì sinn. 'S ann an-sin a tha a' bheinn as àirde ann am Maine. 'S Mt. Katahdin an t-ainm a tha oirre. 'S e àite snog a tha ann cuideachd.

Uill, tha e fadalach, agus feumaidh mi a' dol air ais a dh'obair a-maireach. Tha mi a' dol a ràdh, "Oidhche mhath!" thugaibh. No ann an Spàinntis, "¡Buenas noches!"

Beannachd leibh an-dràsta.

Trang, Trang, Trang!

2006-07-16T21:29:00.000-04:00

Tha mi air bith trang an deireadh seachdainn seo.
Thàinig mo phiuthar sios air Diciadain, agus bha i an-seo gus an d'thàinig Disathairne.

B'ann an-dè (Disathairne) a bha fèis airson na cloinne aig an eaglais dhan tèid mi. Bha spòrs againn uile, ach fhuair mi agus feadhan eile losgadh na grèine. Bha là math ann, ach bha i teth gu leòr!

Tha mi a' smaoineachadh gu bheil mi a' dol a dh'ionnsachadh Spàinntis. Oir tha mòran sluaigh aig a bheil Spàinntis (agus nach eil Beurla) a' tighinn dhan roinn far a bheil mi a' fuireach. Ach chan eil mi a' dol a chuir stad air m'ionnsachadh Gàidhlig.

Uill, tha mi a' smaoineachadh gu bheil thìde agam a dhol dhan leabaidh. Feumaidh mi a dh'obair a-maireach.

Oidhche mhath!

Saor-làithean

2006-07-04T09:39:00.000-04:00

Tha mi air ais o shaor-làithean ann an Québec. Chaidh mi air Disathairne gu baille beag ann an ear na roinn far a bheil mo phiuthar a' fuireach. Air Didòmhnaich, chaidh sinn gu baile-mòr Québec. Bha tìde mhath againn an-sin. Chaidh sinn gu mall mòr an-sin, ach bha mòran sluaigh ann an-sin. Bha e gu math dòmhail!

Cuideachd, nuair a bha mi a' tighinn dhachaidh, sgur mi aig bùth bheag ann an Jackman, Maine air a bheil an t-ainm "Jackman Trading Post." Tha mòran fealla-dhà aig a' bhùth sin. Cheannaich mi feadhan.

Bha spòrs agam air mo shaor-làithean, agus bha mi glè thoilichte a dh'fhaicinn mo pheathar (cha robh mi air a faicinn o chionn fada), ach tha mi toilichte a bhith aig an taigh a-rithist. Tha mo phiuthar a' fuireach mu 230 mìltean o'n taigh agam. Mu cheithir uaireannan is leth.

Bha cadal glè mhath agam nam leabaidh fhèin.

Tìorraidh an-dràsda!

An Samhradh

2006-06-20T19:05:00.000-04:00

Uill, tha mi a' creidsinn gur ann an-diugh a tha ciad là an t-Samhraidh. Bu chòir do an aimsir a dh'fhàs nas teotha airson greise. Ach, an-seo, tha fiughar againn ri stroirm uabhasach tàirneanaich a-nochd. Tha an t-uisge dìreach a' tòiseachadh.

Tha mi an dòchas gu bheil là snog, griannach agaibh far a bheil sibh fhéin a' fuireach.

Beannachd leibh!

Là nan athraichean.

2006-06-18T12:08:00.000-04:00

Là nan athraichean sona dhuibh. Chan eil mi fhéin nam athair, ach tha fhios agam nach e obair furasda a tha gar n-athraichean. Tha mi a' smaoineachadh gu bheil an obair as duilghe gam athair-se; bidh e a' cur suas leam-sa! Nach sin a tha duilich!

Co-dhiù, feumaidh sinn a ràdh "tapadh leibh" mór gar n-athraichean.

Beannachd leibh!

Mo chù

2006-06-03T08:04:00.000-04:00

Smaoinich mi gum biodh e snog a chur dealbh mo chòin air mo bhlòg. 'S Calico an t-ainm a tha oirre. Chan eil mi cinnteach dé an seòrsa a tha innte. Ach nach i a tha brèagha?
Tha mo chù air bith agam o chionn dà no trì bliadhnachan. Tha i glé dhìleas, ach uaireannan, 's urrainn dhi a bhith gòrach! Tha eagal de m' chait oirre. Chan fhaca mi cù roimhpe air a bheil eagal de chait.

Tha là fliuch ann an-diugh. Tha mi a' smaoineachadh gum fuirich mi aig an taigh an-diugh.
Tha mi an dòchas nach bi an t-uisge ann air an deireadh seachdain gu léir. Uill, tha mi dìreach toilichte gu bheil an deireadh seachdain an-seo. Tha e snog nach feum mi a dhol a dh'obair an-diugh no a-maireach. Ged as toigh leam a dh'ionnsachadh na Gàidhlig nuair a bhios mi air fois.

Chì mi sibh air m' fhòram.

Beannachd leibh!

Hallò a-rithist!

2006-05-24T21:55:00.000-04:00

Uill... abair seachdain a bha agam! Chaidh mi air ais a dh'obair an Diluain a chaidh. Tha mi a' smaoineachadh gu bheil mi a' dèanamh airgid fhurasda. Cha chreid mi nach eil an obair as fhasa agam aig an fhactaraidh an-dràsda. 'S dòcha gu bheil mi air an loidhne as slaodaiche.

Nach seo air leth neònach: Chunnaic mi mo chat a' ruith às déidh mo chòin. Smaoinich mi gum bu chòir do'n chù a' ruith às déidh a' chait! B'e seo an rud a bu dhuilghe: gun do ruith an cù air falbh bho'n chat. Abair cù gaisgeil! Tha eagal oirre de'n chat.

Tha mi a' dol a ghabhail a-mach mo mhathar gu taigh-bìdh a-maireach. Chan eil fhios agam fhathast càit' an téid sinn, ach chì sinn. Tha mi eòlach air taigh-bìdh ann an Augusta aig a bheil biadh na mara glé mhath. 'S dòcha gun téid sinn an-sin. Tha i air ràdh aon rud thugam, chan eil i airson ithe aig taigh-bìdh Sìonach idir! Thuirt mo mhàthair gum bi sinn ag ithe aca ro thrìc.

Uill, tha thìde agam a dhol dhan leabaidh. Tha mi sgith.

Oidhche mhath, a h-uile duine!

Faisg air crìoch an sgoile.

2006-05-05T22:55:00.000-04:00

Mo chreach! Tha an tìde air a dol cho luath. Bidh mi crìochnaichte le ciad ràithe (dé facal na Gàidhlig a tha air "semester?") sgoile air an deicheamh den Chéitean. Fhuair mi "A" ann an eòlas-inntinn agus matamataig. Chan eil mi air faicinn fhathast dé a gheibh mi anns an dà chlàs eile. Chì mi anns ana ath seachdain.

'S dòcha gum bi mi ag obair anns an fhactaraidh a-rithist 'san samhradh. Tha mi an dòchas nach bi, ach is dòcha gum feum mi sin a dhèanamh. Feumaidh mi airgead a dhèanamh airson an fhoghair, oir tha mo sgoil fada bho'n taigh agam agus tha peatrail airson a' chàir air fàs glé dhaor!

Anns an fhoghar, bidh mi a' dol dhan sgoil air dà latha. Le prìs a' pheatrail, smaoinich mi gum biodh e nas fheàrr rim phòcaid!

Uill, tha e anmoch a-nis, tha mi a' smaoineachadh gum feum mi a dhol dhan leabaidh. Oidhche mhath!

Mo chreach! Peatrail!

2006-04-11T22:03:00.000-04:00

Cha toigh leam na prìsean daora seo de pheatrail! Tha mi a' smaoineachadh gu bheil iad a' goid uainn.

Tha a' phrìs peatrail air a fhàs mu 20¢ gach galan. Ach carson? Chan eil adhbhar ann as urrainn dhomh a dh'fhaicinn. Co-dhiù, tha mise a' smaoineachadh gu bheil a' phrìs ro dhaor. Tha eagal orm nach bi airgead gu leòr agam a dhol do cholaiste. Is math nach eil ach ceithir seachdainean gus crìoch sgoile. Tha mi an dòchas gun obair mi anns an t-samhradh, oir feumaidh mi airgead a dhèanamh airson an fhoghair.

Phàigh mi $2.54 gach galan an-dè airson peatrail. Dh'fhàs a' phrìs gu $2.69 gach galan an-diugh.

Is dòcha gur e na luchd-turais as coireach. Mar sin, tha mi an dòchas gu bheil seo dìreach airson an t-samhraidh! Tha peatrail cho daor ri òr an-dràsta. Uill, an dòcha gu bheil peatrail-se nas daoire?

Chan eil mi cinnteach. Chan eil mi cinnteach idir. Bhiodh e snog ma b'urrainn dhomh a choiseachd dhan sgoil, ach tha mo sgoil mu dhà fhichead mìle o mo thaigh.

Oh uill, tha mi a' saoileadh nach dèan mo ghearran càil mu a dheidhinn, ach tha mi a' fàireachdainn nas fheàrr! :-)

Beannachd leibh an-dràsta.

Tha mi air ais bho shaor-làithean

2006-04-10T07:59:00.000-04:00

Bha mi air saor-làithean a t-seachdain a chaidh. Chaidh mi gu beagan àiteachan. Bha mi ann am Portland air Diardaoin, agus Disathairne, chaidh mi gu Bangor. Dh'ith mi aig taigh-bìdh air an robh an t-ainm "DiMillo's." Is e sin taigh-bìdh Edailteach a rinneadh bho sheann bhàt-aiseig. Bha am biadh glè mhath. Rachainn an-sin a-rithist. Cuideachd, chaidh mi gu taigh-bìdh eile airson dìnneir. B'e "Old Country Buffet" an t-ainm a bha air. Obh, obh! Tha mi a' smaoineachadh gun do dh'ith mi cus air an latha sin!

Uill, feumaidh mi falbh an-dràsta. Beannachd leibh!

Charleston, Maine

2006-03-26T07:18:00.000-05:00

Uill, chaidh mi gu Charleston an-dè. Dh'iarr mo mhathar a dhol dhan phàrtaidh an-sin, ach cha do dh'iarr i a dhol ann na h-aonar.

Bha thìde gu leòr agam a dh'ionnashachad na Gàidhlig! Chan robh ach aon duine an-sin: mi-fhìn! B'e meall-leanaibh a bh'ann. Bha sin leibideach. Leugh mi mo leabhar Gàidhlig nuair a bha mi an-sin.

'S e rathad fada a th'ann gu Charleston. Mu 60 mìle bhon taigh agam. Mar sin, is urrainn dhomh a thuigsinn carson nach do dh'iarr mo mhathar a dhol ann na h-aonar. Bha an t-àite sin fada 'sa choille.

Fhuair sinn KFC airson dìnneir co-dhiù. Bha sin glè mhath.

Tìoraidh an-dràsta!

Tha mi beò fhathast! :-)

2006-03-23T20:24:00.000-05:00

Chan eil mi air pòstadh air mo bhlòg o chionn fhada. Tha mi air bith trang le sgoil. Fhuair mi 97% air deuchainn a bh'agam nas tràithe an-diugh.

Tha an t-Earrach a' tighinn ann am Maine a-nis. Bha thìde aig a' Gheamhradh a dhol air falbh! Tha mi seachd searbh sgìth dheth. Tha mi a' dèanamh fiughair ris an t-Sàmhradh.

'S dòcha gun tèid mi gu Charelston air Disathairne. 'S e baille beag air an dùthaich Maine. Feumaidh mo mhathair a dhol ann airson meall leanaibh. Oir tha sin fada air falbh bhon taigh againn, chan eil i ag iarraidh a bhith na h-aonar. Mar sin, thèid mi leatha agus tha mi a' smaoineachadh gun tèid mi gu Bangor nuair a bhios i aig a' phartaidh.

Ciamar a tha mi a' dèanamh leis a' Ghàidhlig agam co-dhiù? Tha mi a' smaoineacahdh gu bheil mi a' dèanamh nas fheàrr na nuair a thòisich mi.

Tìoraidh an-dràsta!

Hallò

2006-02-22T17:52:00.000-05:00

Ciamar a tha sibh? Chan eil mi air pòstadh o chionn fada. Tha mi duilich mu dheidhinn sin.

Tha mi air saor-làithean bho'n cholaiste an seachdain seo. Mar sin, chan eil obair sgoilese agam. Ach tha obair eile gu leòr agam. Dh'obair mi air na coimpiutairean m'obrach. Gu cinnteach, tha mi air obair aig an taigh, agus bha ceist coimpiutair gam cho-ogha dhomh. 'S dòcha gun obair mi a-maireach cuideachd. Air na coimpiutairean m'obrach a-rithist. Tha mi an dòchas gum bi thìde agam a ghabhail foise air Dihaoine. Carson a bhios saor-làithean a' dol cho luath?

Bu chòir do shaor-làithean bhith againn airson naoi mìosan, agus obair airson trì mìosan. Bhiodh sin snog, nach biodh? ;-)

Tuilleadh sneachda! :-(

2006-02-13T05:02:00.000-05:00

Madainn mhath! Tha i fuar a-mach an-diugh. Tha sinn dìreach air faighinn mòran sneachda. Mu 22cm, tha mi a' smaoineachadh. Cùin a thigeas an t-Earrach? Tha mi a' fàs tinn leis a' Gheamhradh. Tha mi a' gabhail iongantas... Am bi an colaiste dùinte an-diugh? Tha mi an dòchas gu bheil. Tha e a' coimhead mar a bheil deigh air na rathaidean. Chan eil mi cho cinnteach. 'S dòcha gum fuirich mi aig an taigh co-dhiù. Tha e a' coimhead cunnartach a-mach. Tha dà fhichead mìle fada air falbh.

Bha dà dheuchainn agam an t-seachdain a chaidh. Fhuair mi ceud air fear dhiubh! Feumaidh mi fuireach ri cluinntinn mu dheidhinn an dàrna.

Chan eil mòran a' dol leam-sa an t-seachdain seo.

Tìoraidh an-dràsta.

M'Fhòram

2006-02-02T19:49:00.000-05:00

Tha cùisean a' dol glè mhath gu dearbh leis an Fhòram ùr agam. Mar thà, tha 49 buill agam! Tha mi air a chur ceangal thuige air an taobh mo bhloig. 'S e "Fòram na Gàidhlig" an t-ainm th'air.

Bidh fàilte air a h-uile duine an sin. Tha mi an dòchas gum bidh e àite cuideachail airson neach-tòiseachaidh, agus deagh àite airson na fileantaich.

Gàidhlig gu bràth!

Beannachd leibh!

Seòmar na Gàidhlig

2006-01-28T14:08:00.000-05:00

Bha mi air a ràdh gun robh mi a' smaoineachadh mu dheidhinn seòmair còmhraidh airson Gàidhlig. Cha dèan mi sin. Tha mi air a faighinn tè aig groups.msn.com/gaidhlig. Ma tha thu a' coimhead airson seòmair còmhraidh Gàidhlig, bu chòir dhut a dhol ann.

Tìoraidh

Am Fòram Ùr Agam

2006-01-27T08:34:00.000-05:00

Uill, tha mi cinnteach gu bheil sibh uile air a chluinntinn mu dheidhinn SG. Chan eil fòram aca a-nis. Tha sin glè dhuilich, tha mi a' smaoineachadh.

Co-dhiù, tha mi a' tòiseachadh fòraim ùire airson Gàidhlig. 'S ann aig gaidhlig.31.freebb.com a tha e. Tha mi dìreach ag iarraidh dachaigh airson luchd-ionnsachaidh Gàidhlige. Bha mi a' smaoineachadh mu dheidhinn rùm còmhraidh air an IRC cuideachd, dè ur beachdan? Am biodh sin math?

Tha mi an dòchas gun tig sibh uile dhan Fhòram, co-dhiù.

Beannachd leibh!

SPAM

2006-01-15T08:16:00.000-05:00

Chan eil mi ro thoilichte mu dheidhinn nan beagan spamairean a tha air a bhith a' pòstadh air a' bhlog agam.
Bha feum orm air a chur dhe pòstadh gun ainm "Blogger."
Bha coltas ann nach eil Gàidhlig aig na spammairean nas mò.

Cha toigh leam Spammairean idir. Abair amadain!

Uill, seo an crìoch mo ghearain.
Tha mi a' faireachdainn nas fheàrr a-nis.
Tìoraidh!

Tha a' Chiad Sheachdain Dèante

2006-01-12T16:41:00.000-05:00

Chan eil sgoil agam ach airson ceithir làithean dhe'n sheachdain. Ach tha obair taighe gu leòr agam! Tha mi a' gabhail ceithir clasaichean aig colaiste airson an Earraich:
1. Matamataig
2. Sgrìobhadh teicneòlach
3. Compàirteachadh anns an àite obrach
agus 4. Eòlas-inntinn

Is fheàrr leam Sgrìobhadh teicneòlach agus Matamataig. Tha na tidsearan math anns na clasaichean seo.

Bu toigh leam a ghabhail clas le Gàidhlig, ach chan ann leis a' cholaiste a tha clas Gàidhlige. Feumaidh mi ag ionnsachadh nam aonar (uill, leothasan aig SG cuideachd) airson greis.

Ma tha thu ag iarraidh Gàidhlig a dh'ionnsachadh, bhiodh http://www.savegaelic.org cuideachadh mòr ort.
(If you want to learn Gaelic, http://savegaelic.org would be a big help to you.)
(Wenn möchtest du Gälisch zu lernen, http://www.savegaelic.org würde eine große Hilfe dir sein.)

(Is urrainn dhuibh ràdh "tapadh leat" nas anmoiche, ceart ;-)

Tha sgoil dà fhichead mìle air falbh bho'n taigh agam. Bidh mi a' dol ceithir fichead mìle gach là, ach cha bhi mi air Dihaoine, Disathairne, no Didòmhnaich. Tha mi a' smaoineachadh nach caith mi ach $40 (£23) gach seachdain airson peatrail.

Beannachd leibh!

Bliadhna Mhath Ùr Dhuibh

2006-01-01T08:57:00.000-05:00

Beannachd Dia dhuibh airson 2006.

Tha mi an dòchas nach bi ceann-daoraich oirbh. :)

Beannachd leibh!

Abair amadan.

2006-01-01T08:52:00.000-05:00

(29 de'n Ghiblean 2004, Brushy Fork, Virginia Shiar) Bha dragh air Alfred (63 bliadhna) oir bha biastagan aige ga dhachaigh. Bha e air cluinntin gu robh gas nàdarrach cunnartach, agus smaoinich e gum biodh seo doigh mhath, shaor airson toitrich an taigh aige. Dhùin e a h-uile doras agus a h-uile h-uinneag, agus chuir e air an gas. Dh'fhuirich esan is a' bhean aige ann an trèilear airson campachaidh faisg air an taigh. An ath-mhadainn, chaidh e a-mach, agus ghabh e deò na h-èadhair bhrisg, fhuar. An uair sin, choisich e air ais dhan taigh aige.

Nuair a dh'fhosgail e an doras, rinn an dealan-dorais sradag, agus las sin an gas a bha anns an taigh aige. Shèid an neart spreadhaidh bho'n poirsde gu geodha faisg. Chuir seo stad air na fònaichean is an dealan, agus shèid e na dorais dhe eaglais. Chrath e uinneagan agus nearbhan bho sia mìltean.

Chaidh Alfred a dh'fhalmhacadh le heileacoptair gu ospadal Cabell-Huntington oir bha losgaidhean air. Chan eil àrachas aige air an taigh aige. Tha iad a' creidsinn gu robh an toitreach èifeachdach.

www.darwinawards.com

Nollaig Chridheil

2005-12-25T09:00:00.000-05:00

Dìreach tha mi ag iarraidh a ràdh "Nollaig Chridheil dhuibh" air an là seo. Tha mi an dòchas gum bi cuimhne againn carson a bhios sinn a dèanamh subhachas air an Nollaig. Thàinig Iosa 2,000 bliadhna air ais ann am mainnsear a bhàsachadh airson ar peacadh. Seo carson a bhios là Nollaig againn. Gun A thighinn, cha bhi Nollaig ann.

Chan eil an là mu dheidhinn nan tiodhlacan a bhios sinn a' toirt. Bidh an là mu dheidhinn an tiodhlaic a thug Dia dhuinn.

Beannachd leibh!

Pònairean Fuinte

2005-12-23T22:18:00.001-05:00

Nach toigh leat sgeulan braidhm? ;-)

Aon uair, bha tè ann agus bha mòran gaoil aice air pònairean fuinte. Bha gaol aice orra, ach cha robh a' bhuil glè mhath. Bha i glè nàrachd.

An uair sin, choinnich i duine agus bha gaol aca air a chèile. Cha do dh'iarr i an duine aice a nàrachadh. Co-dhiù, rinn i-fhèin an àrd-ìobairt agus thug i thairis pònairean.

Uill, phòs iad. Beagan mìosan nas anmoiche, bhris an car aice nuair a bha i a' tighinn dhachaidh bho a h-obair.

Oir dh'fhuirich i air an dùthaich, dh'fhòn i an duine aice agus dh'innis i dha gum biodh i anmoch oir bha feum oirre a choiseachd dhachaidh.

Uill, thàinig i a thaigh-bìdh, agus b'ann an-sin a bha pònairean fuinte! Oir bha e fhathast glè fhada air falbh dhan taigh aice, agus oir bha am fàileadh glè mhath, ghabh i cuid pònairean. Smaoinich i gum biodh na builean nas fheàrr nuair a thàinig i dhachaidh.

Dh'ith i-fhèin trì truinsearran làna!

Rinn i bramanan fad na rathaid dhachaidh. Nuair a thàinig i dhachaidh, smaoinich i gun robh e dèanta. Bha an duine aice glè thoilichte a faicinn. “A ghraidh, tha iongnadh agam ort a-nochd airson dìnneir.” An uair sin, chuir e sgàil air a sùilean agus stiùir e gu am bòrd i. An uair sin, sheirm am fòn.

“A ghraidh, feumaidh mi sin a fhreagairt. Na cuir dhìot an t-sgàil, mas e do thoil e.”

An uair sin, chaidh e am fòn a fhreagairt.

Uill, bha na pònairean fhathast a' toirt buaidh oirre! Bha an èiginn oirre cus. Nuair a bha an duine aice a-muigh, ghabh i an cothrom...

Rinn i braidhm mòr! Bha am fàileadh uabhasach! Mar truga todhair a' bualadh sguinc air an taobh factaraidh glaodhain! Ghabh i an nèapagain aice agus dh'fhionnaraich i an èadhar leis.

Uill, rinn i trì tuilleadh. Bha iad mar càl nuair a bhios e a' còcaireach. Bha e mar seo airson deich mionadan!

Nuair a chrìochnaich an duine aice, dh'fhionnaraich i a-rithist an èadhar leis an nèapagain aice.

Nuair a thàinig an duine aice air ais, bha i a' coimhead glè neoichiontach.

“An do sheall thu?” dh'fhaighnich e.
“Cha do sheall.” fhreagair i ris.
“Is math sin.”

An uair sin, chuir e dhith an t-sgàil.

B'ann an-sin a bha dà aoigh dheug airson “Ceann-bliadhna chridheil” a mhiannachadh!

Nollaig

2005-12-18T15:56:00.000-05:00

Chan eil ach sia làithean gu Nollaig. A bheil thu deiseil?

Cheannaich mi tiodhlac airson mo mhathar: Cairt tiodhlaic airson "Home Depot". Am bùth as fheàrr leatha.

Cheannaich mi Bioball ann an Gàidhlig airson mo pheathar, agus tha mi a' smaoineachadh gun toir mi airgead dha m'athair.

Tha mi glè dheiseil airson a' bhìdh. ;-) 'S dòcha gum bi hama againn... agus buntàta, agus cèic, agus candaidh, agus a h-uile seòrsa bìdh. 'S e Ameireaganach a tha annamsa gu dearbh! Tha mòran gaoil agam air biadh. ;-)

Tha cuid laoidhean Nollaig 'sa Ghàidhlig agam cuideachd, ach chan eil mi a' smaoineachadh gur urrainn dha mo theaghlach an leughadh. Bhithinn nam aonar, tha mi a' smaoineachadh. ;-)

Uill, tha mi glè sgìth a-nochd,
Beannachd leibh!

Thig, a sneichd, thig....

2005-12-09T06:31:00.000-05:00

Madainn mhath.

Tha dùil againn sneachda ann am Maine an-diugh. Tha mi a' smaoineachadh gun tuirt iad gun tig troigh sneachd aig dà uair dheug. Tha mi an dòchas gum bi mi sàbhailte 'san rathad nuair a bhios mi a' tighinn dhachaidh bho m'obair a-nochd.

Cha bhi mi a' dol a dh'àite sam bith a-nochd, tha mi cinnteach mu dheidhinn sin!

Chan eil 4×4 agam idir.

Uill, 's ann a-nis an t-àm gu m'obair a dhol.
Beannachd leibh an-dràsta.

Latha eile, tuilleadh airgead

2005-12-06T19:26:00.000-05:00

Uill, nach mi a tha gòrach! Sgrìobh mi 'san tuairisgeul na làraich "ma cha bhios Gàidhlig agad, sgrìobhaibh rium 'sa Ghàidhlig..."
Tha mi a' smaoineachadh gun robh sin glè ghòrach! Tha mi air an ceartachadh a-nis, co-dhiù.

Co-dhiù, cuspair eile. Tha sgannairan loirg-meòire againn a-nis gam obair. Chan eil mi glè chinnteach mu an deidhinn. Chan eil seo ach factaraidh ann an baile bheag. Seo Maine a tha mi a' bruidhinn mu dheidhinn! Tha mi a' smaoineadhadh gu bheil iad a' caitheadh cus airgead air na sgannairean. Chan eil iad air bith ag obair ceart idir. Tha smachd aig na sgannairean den pàigheadh againn. Chan eil mi ro chinnteach mu dheidhinn sin.

Uill, 's dòcha gum bi sneachda ann a-nochd no a-maireach. Bidh sin math, ma bhios ann gu leòr airson a' fuireach aig an taigh. ;-)
Chan eil mi ag iarraidh a dhol gu obair a-maireach co-dhiù. ;-) An urrainn dhut a ràdh "a' cluich gèamaichan bhidio"?

Bha mi a' gabhail iongantas... an urrain dhomh a chur dealbhan ann an-seo? Tha mi a' smaoineachadh gum biodh sin math. Am bu toigh leat a dh'fhaicinn cuid dealbhan bho Maine? Seo mo chat, co-dhiù. Nach iad a tha brèagha?

Tha mòran gràdh agam air cait. 'S toigh leam còin cuideachd, ach 's fheàrr leam cait. Nuair a lorgas mi dealbh mo chù, 's dòcha gun cuir mi e ann cuideachd. Dè do bheachd?

Uill, 's ann a-nis an t-àm airson falbh.
Mar sin leat!

Disathairne Eile!!!!

2005-12-03T18:09:00.000-05:00

Mo chreach! Tha mi a' smaoineachadh gu bheil cogadh a' tighinn gam obair. Taing do Dhia gu bheil Disathairne ann a-nis co-dhiù.

Uill... tha fichead latha 's a dhà gu Nollag. Chan eil mi fhathast air ceannachadh uile mo thiodhlacan. Chan eil fhios agam dè tha mi a' dol a cheannachadh airson m'athair is mo mhathair. Cheannaich mi Bioball Gàidhlig airson mo phiuthar. Tha i ag ionnsachadh Gàidhlig cuideachd. Bidh seo a' chiad Nollag gun mo sheanmhair. Bhàs i 'san Dàmhair, tha mo chuimhnean agam co-dhiù, agus tha i ann an àite nas fheàrr. Bha i trì bliadhna deug air ceithir fichead.

Co-dhiù... dè mu dheidhinn Saddam Hussein? Chuala mi mu a dheidhinn o chionn ghoirid. An cuir iad gu bàs e? Tha mi a' smaoineachadh gu bheil sin ro mhath airson Saddam. Bidh e na mhartarach an uair sin. Sin mo bheachd, co-dhiù.

Carson nach tèid e gu California? Bidh fàilte air aig Berkley, tha mi a' smaoineachadh. ;-)

Chan eil agam ach aon cheist: An robh e fiù 2,000 a' bàsachadh? Tha fios agam gun d' fhuair sinn Sadam, agus 's glè mhath sin, ach tha 2,000 daoine mòr! Chan eil mi fhathast cinnteach mu dheidhinn sin. Feumaidh mi smaoineachadh mu a dheidhinn. Tha e duilich a ràdh.

Uill, feumaidh mi falbh an-dràsta
Beannachd leibh!

FAA gu m'obair.

2005-11-27T21:12:00.000-05:00

:-p
Uill... tha mi air bith air saor-laithean an t-seachdain seo. Feumaidh mi a-maireach a dhol air ais gu m'obair. :-(

Chan eil e glè dhona, dìreach tha an latha fada. Bidh mi ag obair bho leth-uair an-dèidh seachd 'sa mhadainn gu ceithir 'san fheasgair. Chan eil mi a' dol a ghearrain idir, tha feum agam air m'obair.

Taing do Dhia, co-dhiù, a tha obair agam. Tha e duilich a lorg obair ann am Maine.

Mo chreach! Tha mi glè sgìth a-nochd. Chan eil e ach leth-uair an-dèidh naoi! Feumaidh mi a dhol gu mo leabaidh.

Oidhche mhath!

A' Chiad Sneachda

2005-11-26T16:29:00.000-05:00

Uill... Seo i. Bha sneachda ann an-diugh. Chan eil mòran, ach gu leòr. Bha i againn airson Latha-na-Taing cuideachd.

Tha mi a' smaoineachadh gu bheil an t-sìde nas fhuaire a' tighinn. Och... 'S e an t-àm airson ola a cheannaich.

Uill... Tha i nas fheàrr an-seo na mu thuath. Bha i -12ºC (10ºF) a-mach an-dè ann an "Jackman". Chan eil i ach -1ºC (30ºF) a-mach aig an taigh agam.

Tha mi a' smaoineachadh gu bheil an t-àm ann a-nis a thoiseachadh mo bhùthan-Nollaig. ;-)

Tha mi an dòchas gun robh do Latha-na-Taing glè mhath, ma tha thu às na Staitean. Bha mòran taing agam air Dia airson A bheannachdan orm. Mo theaghlach, mo char, mo pheatan, is mo thaigh. Am biadh cuideachd gu cinnteach! Tha taing agam gu bheil mi ag ionnsachadh a' Ghàidhlig.

Co-dhiù, cuspair eile: Carson nach sgrìobhaidh tu rium leis a' phost-dealain? Tha mi ag iarraidh fios mu dheidhinn mo Ghàidhlig. A bheil mi a' dèanamh math no dona? 'S urrain dhut sgrìobhadh rium aig ceann-feachd@hotmail.com. 'S urrain dhut sgrìobhadh leis an làrach cuideachd. Na sgrìobh SPAM dhomh! Tha fuath agam air spamairean! Ma bha am post-dealain againn 'nuair a sgrìobh Dia am Bioball, tha mi a' smaoineachadh gum biodh "Cha spamaidh tu" anns na h-Àithnean.

Beannachd leat!

Barganan, Barganan, Barganan!

2005-11-06T15:28:00.000-05:00

Cheannaich mi faclair Spàinntis agus leasain Laideann an-diugh. Cha robh am faclair ach $5.99! Bha sin math! Agus dh'iarr mi Laideann a dh'ionnsachadh cuideachd! Cha robh an leabhar sin ach $15.95. Bha sin glè mhath, smaoinich mise. 'S an t-ainm an leabhair "Teach Yourself Latin". Cheannaich mi faclair Gàidhlig an-dè cuideachd. Bha e $12.95. Chan eil ro dhona.

Chan eil peatrail ach $2.199 'son galan (57.9¢ 'son liotair) a-nis, cuideachd! Chan eil mi a' tuigsinn a' phrìs pheatrail! Co-dhiù, tha e nas saoire, tha sin math, tha mi a' smaoineachadh.

Uill, feumaidh mi falbh.
Beannachd leibh!

Taing do Dhia!

2005-11-05T10:25:00.000-05:00

'S e an ceann-seachdain a th'ann! Mo chreach, bha an t-seachdain seo glè fhada!
Tha mi a' smaoineachadh gu bheil cogadh a' tighinn gam obair. Bha tè aosd agus fear a' sabaid fad an t-seachdain. Bha i èibhinn ann an dòigh cuideachd! :-D

Co-dhiù, tha mi glè thoilichte gu bheil Disathairne ann a-nis. Dà latha dheth orm! :-D

Beannachd leibh, a h-uile duine!

Oidhche Samhna

2005-10-30T14:01:00.000-05:00

Bidh Oidhche Samhna ann a-maireach.
Tha mi 'n dòchas gum bidh an latha glè mhath dhuibh.

Na ithibh cus candaidh, a chlann. Cha bhi e math ma bhios sibh tinn.

Uill, tha 'n Geamhradh a' tighinn. :-(
Cha toigh leam an t-sìde fhuar. Tha mi a smaoineachadh bu choir dhomh falbh gu Arizona. The i glè shnog an-sin anns a' Gheamhradh. Chan eil i fuar an-sin idir!

Co-dhiù, tha 'n Geamhradh brèagha ann am Maine cuideachd. 'S e an t-sneachda a tha brèagha. Ach chan eil i math 'son a' dràibheadh.

Tha mi 'n dòchas nach bi i ro fhuar.

Uill, bu choir dhomh falbh.
Beannachd leibh an-dràsta!

Fàilte Chridheil oirbh, a h-Uile Duine!

2005-10-13T22:09:00.000-04:00

Halò agus fàilte gu 'm blog agam. 'S mise Ceann-feachd. Tha mi naoi bliadhna deug a dh'aois. Tha mi as na Staitean Aonaichte, agus tha mi a' fuireach ann am Maine.

Tha Beurla, beagan Gàidhlig, agus beagan Gearmailtis agam.

Tha i snog ann am Maine a-nis. 'S e am Foghar a th'ann. 'S e na duillean a tha glè bhrèagha leis na dàthan aca.

Tha 'n Geamhradh a' tighinn gu luath! :-(

Tha dà chainnt ofigeil aig an làrach-lìn seo: Gàidhlig 's Beurla.
Chan eil a' Ghàidhlig agam glè mhath, ach tha mi ag ionnsachadh. :-)

Beannachd leibh!